ايام انفلونزا الطيور سمعنا عن الناس اللي جالها رعب من الطيور اللي مربياها وسمعنا عن واحد من كتر الخوف رمي الكتاكيت اللي في مزرعته في الشارع وبقت الناس تجري والكتاكيت تجري وراها
تفتكروا بمناسبة انفلونزا الخنازير **ممكن نلاقي حد من اللي بيربو خنازير من كتر خوفهم من العدوي يرمي خنازيره في الشارع
يا تري هايبقي ايه الوضع ساعتها خصوصا ان الخنازير مش بتعرف تجري كويس
--------------
مع اني مبسوط ان الخنازير هاتتباد من مصر لان شكلها مقرف وخلتني بقيت مقروف من اللحمه يععععععععععع
بس تفتكروا باعدامهم للخنازير كده خلاص طمنوا الناس .... يمكن
لكن مع الاسف الكارثه هاتفضل قائمه ومافيش خطوة اهم واكتر ايجابيه اتاخدت زي مثلا الارشادات الصحيه لكيفية التعامل مع المرض او التعامل مع اي حد مشتبه في اصابته بيه مثلا حمله زي بتاع الاخ شعبولا والست انتصار
مافيش اي اجراءات احترازيه في المستشفيات ولا في حالة طوارئ في اي مستشفي والا في اي حته ولا تم عمل دورات للدكاتره عشان يقدروا يتعاملوا مع المرض حتي لو حصل حاجه لا قدر الله
مافيش الا تشديد الرقابه علي المواني والمطارات ودي في رايي مش كفايه لان ممكن جدا المرض يجي من الداخل البلد مش من خارجها
وربنا يستر بقي
------------------------
خبر كان علي الصفحه الاولي للاهرام يوم الاربعاء
اللي فات بيقول ان إنفلونزا الخنازير تحدث أزمة بين المجلس والحكومة وان سرور يحمل الحكومة المسئولية كاملة إذا لم تستجب لتوصيات المجلس بإعدام الخنازير شهاب يناشد المجلس منح الحكومة فرصة لعرض حلولها
ياسبحان الله الحكومه والمجلس طول عمرهم سمن علي عسل ولا حدش قدر ابدا يزعلهم من بعض تقوم تجي شوية خنازير لا راحت ولا جت توقع بينهم بالشكل ده وكمان يسيحوا لبعض علي صفحات اكبر جريده حكوميه
بركاتك يا انفلونزا الخنازير ، صحيح يا خوانا يوضع سره فأقذر خلقه